मोरङ । किरात राई यायोक्खा पथरीशनिश्चरे नगर समिति मोरङले बिहिबार वृक्ष रोपन तथा शुभकामना आदानप्रदान गरेर ३८ औं स्थापना दिवस मनाएको छ ।
यायोक्खा पथरीशनिश्चरे नगर समितिका अध्यक्ष प्रेमकुमार राईको सभापतित्वमा भएको कार्यक्रममा प्रमुख अतिथि केन्द्रीय उपमहासचिव अर्जुन जम्नेली राई र विशेष अतिथि केन्द्रीय सदस्य नरहाङ राईको उपस्थितिमा भएको थियो ।
कार्यक्रममा स्थानीय समाजसेवी हर्कराज राई, यायोक्खा पूर्व नगर अध्यक्ष विजय खम्बू लगायतको उपस्थिति रहेको थियो । शुभकामना आदानप्रदानको साथै साकेला थानमा विभिन्न प्रजातिको विरुवा रोपेर ३८ औं स्थापना दिवस मनाएको नगर सचिव निर्मला राईले बताउनुभयो ।
